Bydd Modiwl 2 yn edrych ar lywodraethu gwleidyddol a gweinyddol craidd a gwneud penderfyniadau ar gyfer y DU. Bydd yn cynnwys yr ymateb cychwynnol, penderfyniadau’r llywodraeth ganolog, perfformiad y gwasanaeth gwleidyddol a sifil yn ogystal ag effeithiolrwydd y berthynas â llywodraethau yn y gweinyddiaethau datganoledig a’r sectorau lleol a gwirfoddol. Bydd Modiwl 2 hefyd yn asesu'r penderfyniadau a wneir am fesurau nad ydynt yn rhai fferyllol a'r ffactorau a gyfrannodd at eu gweithredu.
Darllediad
Mae darllediad byw y gwrandawiad hwn wedi dod i ben. Gallwch ei chwarae yn ôl isod neu ar ein sianel YouTube (yn agor mewn tab newydd).
Rhybudd: Gall iaith gref fod yn rhan o dystiolaeth o bryd i'w gilydd.
Ffilm Effaith Modiwl 2
Cafodd y ffilm ganlynol ei dangos yn ystod gwrandawiad cyhoeddus cyntaf Modiwl 2 ar 3 Hydref 2023. Yn ei sylwadau agoriadol, dywedodd y Cadeirydd, y Farwnes Hallett:
“Mae pedwar ar ddeg o bobl, o bob rhan o’r DU, wedi’u recordio yn siarad am yr effaith ddinistriol y mae’r pandemig wedi’i chael ar eu bywydau a bywydau eu teuluoedd. Mae’r ffilm yn cynnwys cyfeiriadau at brofedigaeth, galar, cartrefi gofal, wardiau ysbyty, angladdau, teimladau o euogrwydd, teimladau o ddicter, unigrwydd ac unigedd, Long Covid mewn oedolion, Long Covid mewn plant, iechyd meddwl, anabledd corfforol a thorri rheolau cloi. .
Rwy’n hynod ddiolchgar i’r rhai sydd wedi cytuno i gymryd rhan. Dwi’n gwybod pa mor anodd oedd hi iddyn nhw wneud hynny ar gamera.”
Mae'r ffilm hon yn cynnwys deunydd sy'n peri gofid. Mae gan wefan yr Ymchwiliad wybodaeth am nifer o sefydliadau sy’n darparu cymorth ar wahanol faterion. Cysylltwch ag un ohonyn nhw os oes angen help arnoch chi.