Diweddariad: Ymchwiliad i gyhoeddi ail adroddiad, Modiwl 2 ‘Gwneud penderfyniadau craidd a llywodraethiant gwleidyddol y DU’, Tachwedd 2025

Bydd Ymchwiliad Covid-19 y DU yn cyhoeddi ei ail adroddiad a'i argymhellion ym mis Tachwedd 2025, a fydd yn dod â'i ymchwiliad i 'Gwneud penderfyniadau craidd a llywodraethiant gwleidyddol y DU (Modiwl 2)' yn ystod y pandemig i ben.

Cyhoeddir yr adroddiad ar wefan yr Ymchwiliad am 4pm ddydd Iau 20 Tachwedd. Bydd Cadeirydd yr Ymchwiliad, y Farwnes Heather Hallett, yn cyflwyno ei hargymhellion mewn datganiad fideo ar sianel YouTube yr Ymchwiliad yn fuan wedyn

Cynhaliwyd gwrandawiadau cyhoeddus ar gyfer ymchwiliad Modiwl 2 - gan gynnwys Modiwlau 2A (Yr Alban), 2B (Cymru) a 2C (Gogledd Iwerddon) - yn Llundain, Caeredin, Caerdydd a Belfast rhwng Hydref 2023 a Mai 2024. Clywodd y Cadeirydd dystiolaeth gan dystion gan gynnwys Prif Weinidogion presennol a chyn-Brif Weinidogion yn ogystal â gwleidyddion, gwyddonwyr, arbenigwyr, cynghorwyr llywodraeth a gweision sifil uwch erailll. 

Mae Ymchwiliad Covid-19 y DU wedi'i rannu'n 10 ymchwiliad gwahanol – neu 'Fodiwlau' – sy'n archwilio gwahanol rannau o baratoadau ac ymateb y DU i'r pandemig a'i effaith. Cyhoeddwyd yr adroddiad ar y modiwl cyntaf, Cydnerthedd a Pharatoadau, ar 18 Gorffennaf 2024. Erbyn diwedd y flwyddyn hon bydd yr Ymchwiliad wedi cwblhau gwrandawiadau mewn naw o'r deg ymchwiliad. Gwydnwch a Pharatoadau, a gyhoeddwyd ar 18 Gorffennaf 2024. Erbyn diwedd y flwyddyn hon bydd yr Ymchwiliad wedi cwblhau gwrandawiadau mewn naw o'r deg ymchwiliad. 

Y gwrandawiadau cyhoeddus nesaf a drefnwyd fydd ar gyfer Modiwl 8 - ‘Plant a Phobl Ifanc’. Mae'r Ymchwiliad yn bwriadu clywed tystiolaeth ar gyfer yr ymchwiliad hwn yn Llundain o ddydd Llun 29 Medi 2025 i ddydd Iau 23 Hydref 2025. Mae'r Cadeirydd yn anelu at orffen gwrandawiadau cyhoeddus ddechrau mis Mawrth 2026. Cyhoeddir adroddiad nesaf yr Ymchwiliad; ‘Systemau gofal iechyd’ (Modiwl 3), yn y Gwanwyn, ac yn fuan wedyn, ei adroddiad; ‘Brechlynnau a therapeuteg’ (Modiwl 4).

Mae rhestr lawn o'r pynciau mae'r Ymchwiliad yn ymchwilio iddynt i'w chanfod yn ein Cylch Gorchwyl. Dyma'r amserlen gyflawn, wedi'i diweddaru ar gyfer gwrandawiadau a chyhoeddiadau adroddiadau sydd ar ddod: