Mae'r ymchwiliad yn agor gwrandawiadau cyhoeddus Modiwl 7 yr wythnos nesaf ac yn cadarnhau dyddiadau gwrandawiadau cyhoeddus terfynol Modiwl 10 ar gyfer dechrau 2026.

Mae Ymchwiliad Covid-19 y DU yn dechrau ei wrandawiadau cyhoeddus diweddaraf yr wythnos nesaf, y drydedd o chwe set o wrandawiadau a gynlluniwyd ar gyfer 2025. Mae hefyd wedi cadarnhau dyddiadau ar gyfer ei wrandawiadau cyhoeddus terfynol, Modiwl 10, ym mis Chwefror 2026. 

Yr wythnos nesaf (dydd Llun 12 Mai), bydd Cadeirydd Ymchwiliad Covid-19 y DU, y Farwnes Hallett, yn agor gwrandawiadau ar gyfer seithfed ymchwiliad yr Ymchwiliad (Modiwl 7) a fydd yn archwilio'r gwahanol raglenni profi, olrhain ac ynysu ar draws pedair gwlad y DU. Cynhelir y gwrandawiadau yn Nhŷ Dorland yn Paddington ac maent yn agored i'r cyhoedd fynychu. Cynhelir y gwrandawiadau yn Nhŷ Dorland yn Paddington ac maent ar agor i'r cyhoedd fynychu..

Gellir gweld amserlen tystion ar gyfer wythnos gyntaf gwrandawiadau cyhoeddus Modiwl 7 yma. ar ein gwefan.

Mae'r Ymchwiliad wedi'i rannu'n ymchwiliadau gwahanol – neu 'Fodiwlau' – a fydd yn archwilio gwahanol rannau o baratoadau ac ymateb y DU i'r pandemig a'i effaith.

Mae'r Ymchwiliad bellach yn gallu cadarnhau y bydd ei wrandawiadau Modiwl 10 yn digwydd o ddydd Llun 16 Chwefror i ddydd Iau 5 Mawrth 2026. Dyma fydd wythnosau olaf gwrandawiadau cyhoeddus a gynhelir gan Ymchwiliad Covid-19 y DU.

Cyhoeddwyd adroddiad cyntaf yr Ymchwiliad, Modiwl 1 ‘Cydnerthedd a pharatoadau’, ym mis Gorffennaf 2024. Mae ei ail adroddiad - sy'n ymchwilio i wneud penderfyniadau gwleidyddol ar draws pedair llywodraeth y DU ac yn cwmpasu gwrandawiadau Modiwl 2 yr Ymchwiliad yn ogystal â gwrandawiadau 2A, 2B a 2C a gynhaliwyd yng Nghaeredin, Caerdydd a Belfast yn y drefn honno - i fod i gael ei gyhoeddi yn Hydref 2025. Bydd adroddiadau dilynol yn parhau i gael eu cyhoeddi yn dilyn gwrandawiadau’r M10. 

Dyma'r amserlen gyflawn, wedi'i diweddaru ar gyfer gwrandawiadau sydd ar ddod: